साहित्य : स्याणी सलाह ( पहाड़ी कवता ) लेखक : जगदीश कपूर

सुरभि न्यूज़

मंडी

बरखा रीत बमारी दा घर, आपणा आप बचाणा मितरा

छाणी छाणी पीणा पाणी, सादा भोजन खाणा मितरा

कीड़े गुज्जू होर रंगाळू, म्हसडू तांडव पाणा मितरा

नंगू पंगु बणी नी घूमणा, झग्गु पूरा लगाणा मितरा

खड्ड नाळू दा नहीं भरोसा, जुगती कदम बधाणा मितरा

बेख़बरे कधू बादल फटणे, जाणे क्या रुढ़ी जाणा मितरा

देओ देवी ते रख भरोसा, धरमी करम कमाणा मितरा

ब्याधी रोग नी नेड़े औणे, सुख जिंदड़ी दा पाणा मितरा

टबर कबीले, छोहरू छून्नु, सभनी जो समझाणा मितरा

दूर दराजे, जाणा नी घुमदे, घरे ही जसन मनाणा मितरा

बरखा रीत बमारी दा घर, आपणा आप बचाणा मितरा

जगदीश कपूर

मकान नंबर  २१५/११, मंडी, हि०. प्र०.175001